Тры дні таму на дзяржаўным узроўні адзначылі Дзень Перамогі. Ужо 79-ты. Дзесьці вясной у першыя ўгодкі перамогі я нарадзіўся. У маёй памяці маглі бы захавацца эпізоды святкавання Дня Перамогі, пачынаючы з сёмага года, калі пайшоў у школу, але не захаваліся. У тыя гады ў гэты дзень людзі аплаквалі сваіх загінулых родных. Якое свята? У думках людзей словы пракляцця тых, хто пачаў вайну. Словы крыўды на ўладу, якая не абараніла ад смерці, ад акупацыі. Абіда на ўладу, якая абвінавачвала людзей, што засталіся пад нямецкай акупацыяй. Яшчэ мне давялося у розных анкетах пісаць, што мае бацькі ў вайну жылі на акупаванай немцамі тэрыторыі.
Сёння ўжо не так часта на мерапрыемствах да Дня Перамогі ўспамінаюць тых, хто загінуў на вайне. Галоўнае сёння -- спевы ды танцы. У Беларусі за гады вайны загінула больш за 2290000 чалавек. Гэта 25,3% насельніцтва краіны на той час. Сярод нашых суседзяў ахвярамі вайны сталі: у Украіне -- 6850000 чалавек (16.3%); у Літве -- 375000 (12,7%); у Латвіі -- 260000 (13,7%); у Расіі -- 13950000 (12,7%). У Савецкім Саюзе загінула больш за 27 млн. чалавек, з іх больш за 8 млн.668 тыс. ваенаслужачых. І гэтыя лічбы не дакладные.
Сёння зноў паміраюць на вайне як з аднаго, так і з другога боку, ваюючых паміж сабой суседзяў людзі: і ваенаслужачые, і мірные, і, самае жахлівае, -- дзеці. Як астанавіць гэту вайну? Гэта ж вар'яцтва. З-за якога вар'ята суседзі забіваюць адзін аднаго?
https://peramoga.by/selo/zvaniya-profsojuznyj-lider-2023-udostoena-zhitelnica-vilejskogo-rajona/
Присоединяйтесь к ОК, чтобы подписаться на группу и комментировать публикации.
Нет комментариев