Хоннинг қизи Хонзода, Бойнинг қизи Озода, Димоғлари фазода, Кимни севсам бўларкин?

Заргар қизи Зарифа, Шогирди-да Шарифа, Бунча гўзал Ҳанифа, Кимни севсам бўларкин? Ягона, у — ягона, Дурдонага дугона, Бўлиб Мажнун девона, Кимни севсам бўларкин? Сочи толим Моҳира, Жуда золим Нодира, Билмас ҳолим Собира, Кимни севсам бўларкин? Гулсорами, Гулнора, Диёрами, Дилдора, Ҳаётимда илк бора, Кимни севсам бўларкин? Ойдиной юзлари ой, Ҳусния ҳуснга бой, Гулбаҳорми, Гулчирой, Кимни севсам бўларкин? Гул тутдим Гулхуморга, Дил тутдим Дилхуморга, Айтманглар Зулхуморга, Кимни севсам бўларкин? Кимга боғлайин ришта? Эҳ, севиш ҳам бир иш- да! Дўстларим, бир кўришда Кимни севсам бўларкин? Бағрим бўлди-да қонлар, Атрофимда жононлар, Йўл кўрсатинг, ёронлар, Кимни севсам бўларкин?