Ахтарсангиз топилмас не бор?

Aллох яратувчи, Aллоҳ бичувчи.
Мол-давлатни топасиз,аммо,
Онангизни топиб кўрингчи,
Отангизни топиб кўрингчи.
Меҳр беринг,топилар дилдор,
Ҳислар неча минг бор ўткинчи,
Қайта қайта келганда баҳор,
Онангизни топиб кўрингчи,
Отангизни топиб кўрингчи.
Ёстиғингиз тўлади бошга,
Мансаб топиб бўлинг "ФАЛОНЧИ!".
Қўлларингиз етганда ошга,
Онангизни излаб кўрингчи,
Отангизни излаб кўрингчи.
Тақдирнинг кўп илтифотлари
Сийлайверар олиб суюнчи,
Ёнингизда не-не зотлари.
Сиз Oнани топиб кўрингчи,
Сиз Oтани топиб кўрингчи!
Йиғи келар сўраган кўзга,
Нон топади,ҳатто тиламчи.
Не сўрасак беради Aллоҳ,
Онангизни сўраб кўрингчи,
Отангизни сўраб кўрингчи !