Болам қалқонингман бало келганда,

Қоплонман бошингда қузғунлар учса.
Кўприкман жарликлар ваҳм солганда,
Тоғман йўлларинга тўзонлар кўчса.
Кўзимни берурман сен учун аммо,
Сенинг куз ёшингни йиглаёлмайман.
Сени азиз билдим қорачигимдан,
Неки имконимда сенга илиндим.
Бу касод дунёнинг оғриқларидан,
Огоҳ этмоқликка сени уриндим...
Сенга йўл кўрсатиб бормоғим мумкин,
Аммо сен учун йўл танлаёлмайман.
Равон эмас эди мен келган йўллар,
Минг бора йиқилдим, минг бора синдим.
Гоҳо топилмади таянчга қўллар,
Кўксим қудратига танҳо юкиндим.
Йиқилсанг қўлингдан тутурман болам,
Аммо мен ўрнингда тикланолмайман.
Асраёлсам эди йиллар ғамидан,
Кўзинг маюслигин симиролсайдим.
Омон тутулсайдим дунё камидан,
Бахсизликлар йўлин туса олсайдим...
Бир ночор онаман, дуойингдаман,
Аммо мен ўрнингда яшаёлмайман