Эринмасдан укилар Россииядагилар

ОЛТИН БАЛИҚ
Ўзбекдаям, қирғиздаям, ўрисдаям ҳаё бор,
Россияда билсангиз ВОЛГА деган дарё бор.
Бу ВОЛГА деганлари ҳамма дарёдан катта,
Тип-тиниқ сувларида балиқлар кўп албатта.
Рус халқини одати сира бекор қолмайди,
Дам олиш кунларида фақат балиқ овлайди.
Балиқ овлаган одам, юрагида қолмас ғам,
Тинмай балиқ овларкан рус йигити Иван ҳам.
Чувалчангни янгилаб роса қармоқ ташлабди,
Охир пўкак қимирлаб, қармоқ торта бошлабди.
Суюнганича Иван ниятни қилиб катта,
Шошилганича сувдан қармоқни тортди шартта.
Қарасаки қармоқда олтин балиқ турибди,
Ялиниб у ўзини ҳар томонга урибди.
Мен олтин балиқман гапимни эшит бир нафас,
Нима десанг қиламан тилагингни айтсанг бас.
Инсонларнинг ғами кўп буни яхши биламан,
Хохласанг 20 қоп доллар совға қиламан.
Балки сенга машина ё кошона керакдир,
Гўзалликда ягона бир жанона керакдир.
Тилагингни айт Иван бажараман барисин,
Хохласанг юбораман ёнинга сув парисин.
Иван нима дейишни билмай қолди шу вақтда,
Олтин балиқ тутди у буям бўлса бир бахтда.
Рус йигити ўзини қўлга олиб бир пасда,
Ягона тилагини балиққа айтди аста.
Биргина тилагим бор шуни бажарсанг бўлди,
Россия ўлкасига ўзбеклар роса тўлди.
Кетинглар, десак, улар ҳеч қулоқ солмаябди,
Ўзбекларнинг дастидан ўзимизга иш қолмаябди.
Шундай қилки, ўзбеклар кетсинлар ўз юртига,
Бориб қарашсин буғдой,пахта,ипак қуртига.
Олтин балиқ Иваннинг гапига жим қулоқ солди,
Сўнг думини ликиллатиб узоқ ўйланиб қолди.
Эҳ Иванжон тилагинг қалбимни қилди хира,
Ўзбекларни ҳайдашнинг иложи йўқдир сира.
Чунки қанча сувда сузиб югурганман-елганман,
Россияга ўзим ҳам Сирдарёдан келганман.
Ўзбекларни тинч қўйгин ишлаб ризқини терсин,
Россиялик эркаклар ўзбекларга тан берсин!!!