НОГАЙ ХАЛКЫМА.

Халкым меним, каьрип болып, уьзилип,
Тенъиз бойда бир кесегинъ калыпты,
Оьз тарихин, тилин, коьркин йойытып,
Коьп йыл турды, оьксиз болып, кезерип.
Тек соьнмеди бирде яшав булагы
Пайхамбардынь лайымлыгыннан себеп.
Аста акырын, бирер буьртиктен шоьплеп,
Халк саклады нагыз оьнер байлыгын.
Суьвретшилер неше туьрли суьаретти
Коьрсетеди оьз халкына кагытта.
Сол суьвретте катып туры такыйка,-
Яшав болса, озып алдыга кетти.
Халк оьнери булак болып агады.
Мен сенемен: битпес онынъ байлыгы.
Токтап турма. Танълага сен адымла.
Яшав оьзи йорттыраяк алдыга.
Хадижат Бурумбаева. РД Кумли.