ПОЦ ҚИССА (2)

ХУ НАВБАТИЙУМ ПЭ ПОЦ
Ачаб базеб пэ пухьта,
Садо цайодьд ас дара,
Зариз га кихът какра.
Ху навбатийум пэ поц.
Ас қишлоқум лап пэ тир,
Му хез лап қариб йам хир,
Му бирва цудьмата жир.
Ху навбатийум пэ поц.
Му амро Дийор му хер,
Лӯдум вирд хъоҷ ту мадъер,
Хъичиф ту камдэ маш сер
Ху навбатийум пэ поц.
Игамбердэ вуд хидир,
Мэ ҷой нӯмэ лод "Хурдъир"
Падод жиниҷ ситат жир,
Ху навбатийум пэ поц.
Шамол авоз му амро,
Форам падӯд йам аво.
Ху бад шукрум пэ Мавло,
Ху навбатийум пэ поц.
Йам мэст майанд нуум нур,
Гармэ дарав му дил пур.
Дэ хавдато амоч фур,
Ху навбатийум пэ поц.
Гуҷварг ғалатъ та бэғен,
Ху нанен ҷатта зъэғен,
"Ар Мун арцӯнд ца ҷэғен",
Ху навбатийум пэ поц.
Жиниҷ му гаргинухъа,
Фирох му тар кинора,
Гапен кинум ишора.
Ху навбатийум пэ поц.
Шоир пэ поц нивишт мис,
Фикрен ақӯнэ мунд дис,
Қишлоқэ шоирум чис,
Ху навбатийум пэ поц.
Пэ Ғунд Навобод қишлоқ,
Ба бачкачум найум ток,
Хабиб фукатъ қарир чоқ,
Ху навбатийум пэ поц.
Хабиб Асадбек. Навобод
09.05.2018. 13:38 "Хурдъир" ПОЦ