Сегодня жители деревни Кужанак простились с Ашировым Явдат агай. БЫЛ ДОНЪЯЛА ЙӘШӘҮ ҮҘЕ ШАТЛЫҠ, КЕШЕ ҒҮМЕРЕ МОҢЛО ЙЫР ҺЫМАҠ... . Эйе ,кеше ғүмере моңло ҡыҫҡа йыр һымаҡ... ЙӘҮҘӘТ ағайҙыңда ғүмере бик ҡыҫҡа булды шул, моңло йыр кеуек кинәт кенә өҙөлдә....Әле ҡыҙҙарын, ейәнсәрҙәрен ҡыуандырып, кейәүҙәренә кәңәш биреп тормош иптәше Асия апай менән иңгә-иң терәп йәшәргә лә йәшәргә ине лә бит....Их был тормош....ни эшләп шулай аяуһыҙ икән... Әсәйен, ҡатынын, балаларын, һылыуын башҡа туғандарын, ауылдаштарын ҙур ҡайғыларға һалып арабыҙҙан Әширов Йәүҙәт ағай мәңгелек йортона китеп барҙы.Ярты йылда булмай ике һөлөктәй улдарын ,бер-бер артлы  ҡара ер ҡуйынына һалған ӘСӘ йөрәге нисек түҙҙе икән....Быны Нәҡиә инәй үҙе генә беләлер....Ни үле.... ни  тере... булғандыр инде бахырҡай. Нәҡиә инәй, һеҙгә сабырлыҡ һәм түҙемлек тип кенә әйтә алам инде. Бер бөртөк ҡыҙыңды, килендәреңде. кейәүеңде, ейән-ейәнсәрҙәреңде ҡыуандырып. кәңәштәрең менән ярҙам итеп йәшәргә лә-йәшәргә яҙһын һеҙгә АЛЛАХ ярҙамы менән.  Был көтөлмәгән ҡара ҡайғыны кисереү беҙҙең барыбыҙ өсөн дә бик ауыр булды. Йәшәү ҡанундары аяуһыҙ шул..... Беҙ кешеләр “иртәгә тиклем” “киләһе осрашҡанға тиклем” тип хушлашабыҙ, ә бит иртәгеһе булмаҫҡа ла мөмкин. Йәүҙәт ағайҙың ауырығанын да белә инек, (ә күңелдә һаман: кем ауырымай ҙа, кем һыҙланмай..) тик был ваҡиғаға беребеҙ ҙә әҙер түгел инек. Был ҡара ҡайғы хәбәрен ишетеп бөтә ауыл халҡы шаңҡып ҡалғандай булды: ”Был ни булды ?....... Нисек улай?.......” Был көтөлмәгән ҡайғыға әле һаман күңел ышанмай... Йәүҙәт ағайҙы белеүселәр, дуҫтар, туғандар уны йылы хәтирәләр менән иҫкә алып, рухын шатландырһаҡ ине. Ул алсаҡ йөҙлө, йор һүҙле,ихтирамға лайыҡ кеше булды. Ауыр тупрағың еңел булһын, Йылы булһын ятҡан ерҙәрең. Иңдәреңдә булһын фәрештәләр, Ожмахтарҙа булһын йәндәрең. Йәнең йәннәтә булһын.  Туғандарына хоҙай еңеллек, сабырлыҡ бирһен. Тыныс йоҡла, Йәүҙәт ағай ...