Системаи муосири нигаҳдории тандурустии Тоҷикистон бар пояи анъанаҳо ва мактаби тибби советӣ, ки хеле бонуфуз (боиқтидор) эътироф шудааст, асос ёфтааст. Ҳамкории Русия ва Тоҷикистон дар соҳаи тиб дар асоси ҳамсоягии неки халқҳои мо, ки дар тӯли садсолаҳо ташаккул ёфтааст, ба роҳ монда шудааст. Кишварҳои мо дар соҳаи  тандурустӣ ҳамкории зич доранд. Духтурони Тоҷикистону Русияро фазои ягонаи забонӣ, ки барои табодули таҷриба ва навтарин дастовардҳои илми тиб имконият фароҳам меоварад, ва таҳсили донишҷӯёни тоҷикро дар Русия хеле осон мекунад, муттаҳид месозад.  Айни ҳол дар Русия зиёда аз 2000 шаҳрванди Тоҷикистон таҳсил мекунанд, ки нисбат ба панҷ сол пеш тақрибан 40% бештар аст. Пас аз таҳсил онҳо ба ватан баргашта, дар ҳалли мушкилот, аз ҷумла, норасоии кадрҳои тиббӣ саҳм мегузоранд, зеро  дар Тоҷикистон  3000 духтур  намерасад.