Махаббат бүгін және қарамады,

Қарамады...
Жанымды жаралады.
Шәміл-ау!
Білесің бе?
Шын махаббат -
Осылай қарамаудан жаралады!
Мейлі, ол қарамасын, түсінбесін,
Осылай асқақ болсын, кішірмесін.
Бастан ауып баратқан тал түсіме,
Тағдырым көлеңкесін түсірмесін.
Ескермесін, білмесін,
Кете берсін.
Бұл фәниден алаңсыз өте берсін'
Дәрменсіз менің мылқау махаббатым,
Сірә да, өміріммен өтелерсің...