Етмас бўлса сенга қўлларим.

Айро тушар бўлса йўлларим.
Ҳижрон бўлса ўнгу-сўлларим.
Бўлолмасанг умримнинг нақши,
Ҳаётимдан кетганинг яхши.
Бўлсанг ҳамки осмондаги ой,
Тенгсиз бўлса латофат-чирой.
Юрагингдан топилмаса жой.
Бўлолмасанг умримнинг нақши,
Ҳаётимдан кетганинг яхши.
Сени дея чексам изтироб.
Майли бўлсин аҳволим хароб.
Зилол эмас бўлсанг гар сароб,
Бўлолмасанг умримнинг нақши,
Ҳаётимдан кетганинг яхши.
Лочин фикри бўлармиш овда.
Туйғуларим ёқма оловда.
Агар кўнглинг бўлса бировда...
Бўлолмасанг умримнинг нақши,
Ҳаётимдан кетганинг яхши...