Міжнародны дзень роднай мовы адзначылі ў Магілёве

Міжнародны дзень роднай мовы адзначылі ў Магілёве. Цэнтральная гарадская бібліятэка імя Карла Маркса здзіўляла чытачоў разнастайнасцю тэматычных мерапрыемстваў.
«Чытаем беларускае». Гэтая тэматычная акцыя распачала марафон святочных падзей ў центральнай гарадской бібліятэцы. Супрацоўнікі сустракалі чытачоў каля дзвярэй ў нацыянальных строях і са словамі віншавання. У фае гучала беларуская музыка. Так што святочны настрой стваралі адразу на ўваходзе.
«З самай раніцы нашым чытачам былі адпраўлены E-mail-паштоўкі: «Запрашаем на выставу «Навіны беларускай літаратуры»», а ўвесь дзень працаваў чарт беларускіх класікаў, прысвечаны творчасці івана Шамякіна. Увесь дзень працавалі выставы: выстава-праспект «Калі вам даспадобы беларускія аўтары», інфармацыйны стэнд «Юбіляры-2016», праходзіла выстава-прэзентацыя бібліяграфічных дапаможнікаў «Роднае слова, жывое, гаворкае», аформлена зона беларускага чытання «Навінкі беларускай літаратуры», выстава да да юбілея класіка беларускай літаратуры Івана Мележа», – расказала вядучы библиятэкар Цэнтрацьнай гарадской библіятэкі Святлана Міхальчук.
І гэта нават няпоўны пералік выстаў, якія прадстаўляла бібліятэка да Міжнароднага дня роднай мовы. Не абыйшлося і без сюрпрызаў: усе чытачы, якія ў гэты дзень выбралі кнігі беларускіх аўтараў, атрымалі ў падарунак каляндар на 2016 год. На працягу ўсяго дня ў бібліятэцы паходзіў марафон «Чытаем па-беларуску»: усе жадаючыя змаглі прачытаць на відэа любімыя беларускія вершы. Старшакласнікі з 33яй магілёўскай школы наведалі літаратурную вечарыну «Ён ішоў сваёй сцежкай, дарожкай», прысвечаную жыццёваму шляху беларускага пісьменніка Кандрата Крапівы. Мерапрыемства наведалі тыя, для каго беларускае слова – адна з важных жыццёвых каштоўнасцей.
Знаўцам творчасці Уладзіміра Караткевіча прыйшоўся даспадобы квест-рум па раману «Чорны замак Альшанскі». Фінальным жа мерапрыемствам Міжнароднага дня роднай мове ў цэнтральнай бібліятэцы Магілёва стала лагічна-асацыяцыйная гульня «Несцерка».
Шануйце родную мову, любіце, бо яе, як маці і радзіму, не выбіраюць! http://www.rm.tvrmogilev.by/ru/news/latest/1_20024.html