ДАНЕКТЕРДИН ПАЙДАСЫ!!

Дарбыздын данеги кан басымын жөнгө салат
Организмди тазалоого жакшы салым кошкон дарбыздын данеги да ден соолукка пайдалуу. Ал цинк менен темирге бай болгондуктан элдик дарыгерлер аны темир жетишсиздиги менен ооруган оорулууларга сунуштап келишет. Мындан тышкары ал кандагы канттын деңгээлин көзөмөлдөп, жөнгө салып, теринин, тырмактын, чачтын абалын жакшыртат жана кан басымын нормалдаштыруучу касиетке ээ. Мындай пайданы көрүү үчүн дарбыздын данегин кургатып, ундай кылып жанчып туруп күнүгө эртең менен жана кечинде эки чай кашыктан жеп туруңуз. Дарыны айнек банкага сактаңыз.
Коондун данеги өнөкөт жөтөлдү айыктырат
Коондун данегин элдик дарылоодо ичегини, боорду, бөйрөктү тазалоодо жана өнөкөт жөтөлдү айыктырууда кеңири колдонушат. Коондун данегин чагып, ичин майдалап, 3 аш кашык данекти жылуу сууга аралаштырып, татымына жараша шекер кошуп тамактанарга жарым саат калганда жеп аласыз. Бул ыкма жөтөлдү айыктыруу менен бирге кандагы канттын деңгээлин түшүрүп, эркектердин бел кубатын жакшыртат. Жогорудагы даяр массаны жүзүңүзгө маска кылсаңыз, майда бырыштарды кетирет.
Жүзүм данегинин тундурмасы уйкусуздуктан арылтат
Жүрөк-кан тамырларынын иштөөсүн жакшыртып, инфаркт оорусунун алдын алат. Мындан тышкары иммунитетти көтөрүп, уйкусуздукту дарылап, сасык тумоону айыктыруу менен картаюу процессин жайлатат. Ал үчүн кара жүзүмдүн данегин жууп бир литрлик банканын жарымынан саласыз да, үстүнө арак куюп 40 күн күн тийбеген караңгы жерге коюп коёсуз. Убактысы келгенде тундуруп сузуп алып уктар алдында бир аш кашыктан ичип турасыз.
Цитрус жемиштеринин данектери сасык тумоодон айыктырат
Цитрус жемиштеринин ичинен лимон менен апельсиндин данеги - сасык тумоодо күчтүү каражат. Анын курамындагы заттар аспирин таблеткасынын негизин түзөт. Сасык тумоолоп калганда лимондун же апельсиндин 5-6 данегин бир стакан сууга демдеп ичиңиз. Бул ыкма кош бойлууларга болбойт. Цитрус жемиштеринин курамындагы В17 витамини рак клеткаларынын өсүшүнө тоскоолдук жаратып алар менен күрөшөт.
Анардын данеги климакстын жеңил өтүүсүнө жардам берет
Анардын данегинин курамындагы полифенол рак клеткаларын өлтүрүп, пайда болгон жаңы клеткалардын өсүшүн жогорулатат. Кан басымын акырындык менен калыбына келтирет. Данектин курамында фитогормон бар болгондуктан дарыгерлер климаксы башталган айымдарга жумасына бир жолу анар жеп турууну сунуштайт. Себеби бул учурда аялдар фитогормондорго муктаж болуп аны талап кылат. Ал эми анар климакстын жеңил өтүүсүнө жардам берет.
Ашкабактын данеги цистит оорусун айыктырып, ашыкча салмактан арылтат
Ашкабактын данегинин ден соолукка пайдалуу жактарын айта берсек толтура. Цистит, өнөкөт сарык жана бөйрөк оорусунда төмөндөгү ыкманы колдонуу менен сизди кыйнаган оорудан арылсаңыз болот. Күн сайын ичер алдында даярдаңыз. 50 грамм данекти майдалап, ага 20 грамм шекер жана 80 мл жылуу сууну аралаштырып күнүгө үч маал тамактанарга жарым саат калганда жеп туруңуз.
Ден соолукка терс таасир этүүчү данектер
Шабдалы, кара өрүк, алма жана алмуруттун данегинин курамындагы цианит заты организмди уулай турган касиетке ээ. Ошол себептен жогоруда аталган жемиштердин данектерин жегенден алыс болуңуз. Аз өлчөмдө, тагыраагы, 3-4 данек организмге кирсе эч кандай зыянын тийгизбейт.
#danek