📢 Эътибор бериб қарасангиз уйларнинг кириш эшиги ёнида уч тўрт, иккинчи уй ёнида бир йигит ўтирибди. Эрталаб кўпчилик эди, ҳозир сал камайибди.
Бу уйлар яқинда қурилиши битиб ўз эгаларига топширилаяпти, ички таъмирлар авжига чиққан палла ҳозир.
Бу ўтирган йигитлар "Квартиранг борми? ...уста керакми? ...биз таъмирлаб берамиз!", деб ўтган-кетган русларнинг йўлига чиқишади ва шу йўсинда иш топишади.
Шу турганларга кўзим тушса, ўзимизни Самарқанд шаҳри, Даҳбет кўчаси яқинида Пайариққа қатнайдиган таксислар кўз олдимга келаверади. Улар ҳам шунақа қилиб одам талашишарди.
Бунинг нимаси ёмон дерсиз, албатта ўша ишни олиб ўзлари ишлашса ёмон жойи йўқ. Булар бари ўртакашлар, куни билан шу жойда ўтиради, олган ишларини икки баравар арзон нархда ўзимизни йигитларга беришади.
Бизлар марть ойи бошида бу жойга ишга келган вақтимизда бир квадрат кафелни бир минг беш юз рублдан терардик. Бу ўртакашлар ҳозир руслардан квадратига минг рублдан оляпти ва ўзимизни қора кўзларга беш юз, олти юздан беришяпти.
Бошқа ишларда ҳам нархларни пастга тушириб юборишди булар. Агар руслардан қиммат нархда олиб, ўзимизни усталарга меҳнатига яраша беришса бу йигитларга қаршилгим йўқ асло.
— БАХТИЁР ТУРСУН —
Обуна бўлинг👇 https://t.me/migrantuz
Присоединяйтесь к ОК, чтобы подписаться на группу и комментировать публикации.
Комментарии 2