Toshkentdagi “Lokomotiv” istirohat bog‘ida yigit o‘z sevgan qiziga turmush qurish taklifini romantik tarzda bildirdi.

“Bog‘imizdagi favvora yonida romantik musiqa ostida turmush qurish taklifi bildirildi, — Gullar, kameralar, olqishlar, qizning quvonch ko‘z yoshlari va atrofdagilarning hayajonli luqmalari — qiz ‘Ha!’ — deya rozilik bildirdi”. Deya xabar beradi Bog'ning Facebook’dagi rasmiy sahifasi.
Joylangan suratda bir guruh kishilar guvohligida yigitning tiz cho‘kib, qizga umid bilan boqayotganini ko‘rish mumkin. Allaqachon qorong‘i tushib qolgani bois, ularni maxsus projektorlar orqali yoritib turishibdi. Yollangan fotosuratchilar esa ushbu “tarixiy” lavhani kadrga muhrlash bilan ovora. Atrofdagilarning ba’zilari ularni havas bilan (qizlar), qolganlari biroz ensasi qotib (yigitlar) kuzatayotganini ko‘rish mumkin..
Ba'zi qo'shtirnoq ichidagi, fikrlash doirasi past insonlarga yigitning bu qilgan ishi be'manilikdek, yoki yigitlik g'ururi uchun uyatdek tuyilar. Ammo bunday jentelmenlarga xos harakat, O'zbek yigitlaring qanchalik oliyjanobligidan dalolatdir va bu xolat har qancha olqishga loyiqdir.