Qeybət etmək aciz insanın son cəhdidir

Əmirəlmöminin Əlidən (ə) soruşurlar: Kimlər qeybət edir; kimlər həmişə insanların arxasınca danışmaq, onları pisləmək və onları pisləməkdən ləzzət almaq istəyir? Həzrət buyurdu: Zəif, aciz və gücsüz insanlar. Qeybət etmək zəif insanın son cəhdidir. Güclü insan və ruhu baxımından özünü qüvvətli hesab edən biri qeybət etməyi özünə sığışdırmaz. O, qeybət etməyi zəif, həqir və alçaq insanların işi hesab edir. Güclü bir insan heç vaxt insanların arxasınca qeybət etməyə və ya başqalarının qeybətinə qulaq asmağa razı deyil.