УЖО ЗІМА НЕ ЗА ГАРАМІ... Ціхі, сонечны дзянёк прыгожы - Лістапад надумаў кайфаваць. Зімка падрыхтуе мяккі ложак, Каб было зямельцы ёмка спаць. Кожны дзень снуюць каля кармушкі Вераб'і, сінічкі, нават дзяцел. Вецер і мароз даймае птушак, Мне ж утульна, добра ў цёплай хаце. Семкамі сінічак пачастую, Вераб'ёў - пшаном і хлебам белым. Хто ж, калі не мы, іх уратуе? Дзяцел тут як тут - занадта смелы. Украдзе, нахабны, хлеб і сала - Голад жа не цётка, зразумела. А сарока ўчора стракатала, Што зіму на досвітку сустрэла... 20.11 - 2023 г.
ПАД БЕЗДАННЮ ШЭРЫХ АБЛОКАЎ... Глядзець немагчыма без слёз, Знаёма карціна да болю - Дзьмуў вецер, прыціснуў мароз - І лісце пападала долу. Нібы на далоні - відаць Далёка-далёка навокал. Маркотныя дрэвы стаяць Пад безданню шэрых аблокаў. Але неўзабаве сняжок Ім белы прыкід ахвяруе. Апошні сарваўшы лісток, Ля веснічкаў вецер кайфуе... 18.11 - 2023 г.
БЯГУ ДА МАМЫ Ў ПРЫЦЕМКАХ НАЧЭЙ... (светлай памяці мамы) Пятнаццаць год блукаеш над сусветам... Пятнаццаць год мы без цябе жывём... А мне ані не верыцца й дагэтуль, Што не збяромся за тваім сталом,.. Як некалі, усе: унукі, дзеці.- Чужая стала хата, двор чужы... Пятнаццаць год таму выў воўкам вецер... І не хацелася мне болей жыць... Пятнаццаць год без мамінай пяшчоты, Без рук ласкавых, сонечных вачэй... Гады бягуць няспынным калаўротам, А я да мамы ў прыцемках начэй... 16.11 - 2023 г.
БЯГУ ДА МАМЫ Ў ПРЫЦЕМКАХ НАЧЭЙ... (светлай памяці мамы) Пятнаццаць год блукаеш над сусветам... Пятнаццаць год мы без цябе жывём... А мне ані не верыцца й дагэтуль, Што не збяромся за тваім сталом,.. Як некалі, усе: унукі, дзеці.- Чужая стала хата, двор чужы... Пятнаццаць год таму выў воўкам вецер... І не хацелася мне болей жыць... Пятнаццаць год без мамінай пяшчоты, Без рук ласкавых, сонечных вачэй... Гады бягуць няспынным калаўротам, А я да мамы ў прыцемках начэй... 16.11 - 2023 г.
ДАВОЛІ ВОКА ЦЕШЫЎ ЛІСТАПАД! Стракатай восені апошнія дзянёчкі... Галубкай белай прыляціць зіма. Ва ўсе загляне цёмныя куточкі Ды прынясе чароўных святаў шмат. Вадохрышча і Новы год, Каляды. На лыжы станем дружна, на канькі, З сябрамі ў снежкі пагуляем разам, На санках з горкі з'едзем ля ракі. Мароз шчыпне за нос, дыхне адліга. Налепім шмат смяшлівых снежных баб. Зіма рыхтуе новыя інтрыгі - Даволі вока цешыў лістапад! 15.11 - 2023 г.