👆 Ече дене Марий Элын сборный командыже Златоустышто тунемме да тренировкым эртарыме сборышто.

«Ечызе-влак эрдене я спринтым куржын эртат, я техникым шотыш кондат, курыклаште вий-куатыштым пеҥгыдемдат, чытышым тергат. Кастене чылан пырля йоҥылышым тӧрлена, эрласе кечылан планым ыштена», – ойла тренер Сергей Кугергин.
❄ 20 ноябрьыште Мурманск областьысе Кировск олаште ече дене «Хибинская гонка» всероссийский таҥасымаш эртен.
Ты кечын ече тургым почылтын. Ӱдырамаш-влак коклаште землякна Екатерина Смирнова 5 километрыште классике йӧн дене 15-ше верыш лектын.
📷 Сергей Кугергинын фотожо.