20 ноябрьыште Марий самырык театрын артистше-влак Провой кундем Ташнур тӱвыра пӧртыштӧ Марий Элын калык артистше ИГОРЬ АКТУГАНОВЫМ шарныме лӱмеш «Чодыраял Элыксандр» спектакльым модын ончыктат.

Марий калыкнан ик эн йӧратыме, пагалыме да уста артистше Игорь Актуганов театрыште 100 утла образым чоҥен, кажне рольжым чон йӱлен модын да уло илышыжым тиде пашалан чаманыде пӧлеклен.
«Чодыраял Элыксандр» спектакльыште Игорь тӱҥ рольым модын. «Ньюмырий ит лий, ӱчаше, кучедал, йырым-йырет моторлыкым ужын, ты моторлыклан куанен мошто» - 90 ияш Элыксандрын нине шомакше-влак илышна нерген келгынрак шоналташ туныктат.