Марий Эл Республик Кугыжаныш Погынын председательже Михаил Васютин Социальный пашаеҥын кечыж дене саламла!

Отрасльын пагалыме социальный пашаеҥже ден ветеранже-влак!
Кугыжаныш Погынын лӱмжӧ да шке лӱмем дене Социальный пашаеҥын кечыж дене саламлем да обществылан моткоч кӱлешан пашам тыршен ыштымылан тыланда уло шӱм-чонем дене тауштем.
Кокытеланыде каласыман, профессийда – чынжымак призванийда. Те шуэн вашлиялтше моштымашан улыда, тиде нелылыкыш логалше кеч-могай айдемым чаманымаш да умылымаш, тудлан жапыштыже да кӱлеш семын полышым пуымаш.
Кажне кечын илалше, тазалыклан начар еҥ-влаклан, нелылык дене вашлиялтше еш-шамычлан – икманаш, чылалан, кӧлан кугыжанышын полышыжо кӱлеш – полшен шогеда.
Специальный военный операцийын участникше-влак да нунын лишыл еҥыштлан полышым пуымо шотышто надырым пыштымыда – аклаш лийдыме. Профессионализмлан кӧра республикыштына мемнан военнослужащий-шамычым социальный да психологий могырым аралыме, тазалыкыштым пеҥгыдемдаш сай йӧным ыштыме дене кылдалтше тӱрлӧ программе илышыш пурталтеш.
Пагалыме йолташ-влак, ура чонан да кугу чытышан, еҥ-влакын кумылыштым нӧлтен моштымылан да шке вийлан ӱшанымыланда – вуйым савена.
Пеҥгыде тазалыкым, илыш куатым да чыла сайым тыланем!