🌇Марий Элыште 2026 ийыште тӱзатышаш объект-влаклан йӱклымаш умбакыже шуйна.

Кызыт республикыште 52 тӱжем утла еҥ шке йӱкшым пуэн.
Тӱзатышаш кумдык верч шке йӱкым 14 ийым темыше кажне еҥ 12 июнь марте zagorodsreda.gosuslugi.ru сайтыште Госуслуго платформо гоч пуэн кертеш. Йӱклымаш «Илышлан кӱлешан инфраструктур» нацпроектын «Оласе кумдыкым йӧнаным ыштымаш» федеральный проектше дене келшышын эртаралтеш.
«Калыкна молгунамсе семынак чолгалыкым ончыкта. «Единый Россий» партийын генсоветшын секретарьже Владимир Владимирович Якушев республикна ты проектын йӱклымашкыже чолган ушнымыжым палемден. Тиде кӱкшытым умбакыжат кучаш тӱҥалына!», - палемден Марий Эл вуйлатыше Юрий Зайцев.
Проект 2017 иыште Россий президент Владимир Путинын кӱштымыж почеш илышыш шыҥдаралтын. Тиде олаште илаш йӧнанракк лийже да калык оласе кумдыкым тӱзатымаште шке шонымашыжым луктын каласыже манын ышталтын.