📰Газетнан у номерыштыже лудаш темлена:

✅Кодшо шуматкечын Татарстанысе Кукмарий районысо Уялыште марий-влакын Семык пайремышт гӱжлен. «Татар-информ» агентствын увертарымыж почеш, тушко 5 тӱжем утла еҥ миен. Таклан огыл 2009-ше ийыште пайремлан республиканский статусым пуэныт. Калык шуко погынен. Марий журналист-влакат тушто лийыныт, чылажымат шке шинча дене ужыныт. Кузе тушто йӱланам аралат, могай шонымаш дене илат да могай чес дене унам сийлат? Тидым "Йӱлана тек илана" лаштыкым лудмеке пален налыда.
✅Советский район Вечын селасе Аграрно-строительный техникумышто икымше гана ончыкылык тракторист-машинист-влакын республик кӱкшытан профессионал мастарлык конкурсышт лийын. Тушто Марий Элын кыдалаш профессионал образованийым пуышо ныл тунемме вер гыч 5 студент таҥасен. Умбакыже - "Образований" лаштыкыште.
✅31-ше майыште Волжский район Кугу Корамас школышто "Чоткар тукым улына" регион кокласе краевед лудмаш эртен. Тений тунемше ден туныктышо-влакын шымлыме пашашт ден усталыкыштлан акым пуымо шанче-практике конференций Шочмо Элым аралышын идалыкшылан пӧлеклалтын. Мероприятий нерген кумданрак - "Краевед лудмаш" лаштыкыште.
✅Икмыняр кече ончыч «Саскавий» марий ӱдырамаш ушемын еҥже-влак У Торъял районыш миеныт. Тушто районысо рӱдӧ книгагудышто верысе чолга еҥ-влак дене вашлиймаш эртен. Вашлиймаште марий йылме дене кылдалтше икмыняр кӱлешан йодышым тарватыме. Но каҥашышаш эн тӱҥ йодыш икымше марий профессиональный поэтессе Вера Бояриновалан шарныктышым почмаш дене кылдалтын ыле. Мероприятий нерген «Икымше кермычым пыштыде, кокымшо ок воч» материалыште возымо.
✅Морко кундемысе Малиновка ял республикнан эн кӱкшака вержылан шотлалтше Чӱкшӧ курык воктене верланен. Тушто улыжат ик пӧръеҥ Иван Арсентьевич Ефимов ила. Тудын нерген "Ик яллан- ик марий" материалым лудмеке пален налыда.