Суперлига иштирокчиси «Қўқон-1912» клуби раҳбариятида ўзгариш юз берди. Бу ҳақда ПФЛ расмий сайти хабар берган.
«Қўқон-1912» футбол клуби ягона таъсисчисининг 2022 йил 30 майдаги қарорига мувофиқ Айрапетов Григорий Викторович футбол клуби президенти этиб тайинланди. Мутахассис бунгача Ўзбекистон футбол ассоциациясида ишлаб келаётганди.
2012 йилдан буён «Қўқон-1912» футбол клубининг раҳбарлик лавозимида, шу жумладан, клуб президенти лавозимида ишлаган Бахтиёр Толипов аввалроқ нафақага чиққан бўлиб, унинг ўрнида кейинчалик бир муддат Асқар Усманов футбол клуби президенти лавозимида фаолият юритганди.
Маълумот учун, Бахтиёр Ашурматов мураббийлигидаги жамоа Суперлига 11-туридан кейин 10 очко билан 9-ўринни эгаллаб турибди.
Аввалроқ, клубда йил бошидан буён молиявий муаммолар юзага келаётгани ҳақида хабарлар тарқалганди.
Присоединяйтесь к ОК, чтобы посмотреть больше фото, видео и найти новых друзей.
Нет комментариев