📜 Ліда перадала эстафету Дня пісьменства Касцюковічам

✨Урачыстая перадача эстафеты Касцюковічам адбылася на галоўнай сцэне Ліды на закрыцці Дня беларускага пісьменства. Гэты момант стаў сімвалам пераемнасці, павагі да культурнай спадчыны і еднасці рэгіёнаў.
Старшыня райвыканкама Касцюковічаў Вячаслаў Максачоў падзякаваў за давер і адзначыў, што іх край багаты на паэтаў і пісьменнікаў, а свята на Магілёўшчыне абавязкова пройдзе на славу.
🎼 Завяршэннем свята стаў уражлівы канцэрт Нацыянальнага Прэзідэнцкага аркестра Рэспублікі Беларусь пад кіраўніцтвам галоўнага дырыжора Віталя Кульбакова. На сцэне выступілі таленавітыя салісты. Гучалі любімыя песні на словы беларускіх паэтаў, а таксама папуры з рэпертуару ансамбляў «Верасы», «Песняры» і іншых калектываў. Фінальным акордам стала легендарная «Беловежская пуща».
📚Ліда развіталася са святам, але мы працягваем жыць словам, культурай і любоўю да роднай зямлі.
Да сустрэчы на Магілёўшчыне ў 2026 годзе! ( https://t.me/mininform )
#ДЗЕНЬБЕЛАРУСКАГАПІСЬМЕНСТВА