Məni istər gizli, istərsə aşkar,
Fikrində, qəlbində, ürəyində sev!
Bitsin yaşadığım bunca intizar,
Mənimdir ruhun da, ürəyin də, sev!
Sevgilim, inanaq gələcək günə,
Arzumuz qarışıb biri-birinə.
Bizə nəğmə qoşsun küləklər, yenə!
Eşgi var o əsən küləyin də, sev!
Sən getsən gen dünya mənə dar
olar...
Getmə, həsrətini qoyma yadigar!
Sanma ki, bir qüvvə bizi ayırar,
Yetməz buna gücü fələyin də, sev!