Մեղրով տորթ թթվասերային կրեմով

Բաղադրիչներ
Խմորի համար՝
ձու - 2 հատ
շաքարավազ - 3 ճ/գդ
մեղր - 3 ճ/գդ
սոդա - 1 թ/գդ
ալյուր - 300-400 գր
Կրեմի համար՝
թթվասեր - 600 գր (24%-ից ավել յուղայնությամբ)
շաքարի փոշի - 100 գր
Պատրաստման եղանակ
Պատրաստում ենք խմորը: Ձվերը, շաքարավազն ու մեղրը լավ հարում ենք, ավելացնում ենք սոդայի հետ մաղած ալյուրը և խմոր ենք հունցում:
Խմորը լցնում ենք յուղաթղթապատ ձևամանի մեջ և թխում նախօրոք 180 աստիճան տաքացրած ջեռոցում 20-25 րոպե:
Պատրաստում ենք կրեմը: Թթվասերը շաքարի փոշու հետ լավ հարում ենք: Կրեմը պատրաստ է:
Խմորը մի փոքր հովացնում ենք, բաժանում 3 հավասար մասերի և ավելորդ մասերը կտրում ենք:
Կրեմը լցնում ենք խոհարարական պարկի մեջ, շերտերը կրեմապատում և շարում իրար վրա:
Այնուհետև ամբողջությամբ կրեմապատում ենք տորթն ու վրան խմորի փշրանքներ ցանում: