🍎Август аеның икенче санына анонс🍎

“Туганайлар” газетасының 16нчы (548) санына кыскача күзәтү😉
🍃1нче биттә – Лаеш районының бай табигатьле Ташкирмән авылы турындагы язма.
🍃2нче биттә – “6 мәртәбә – махсус хәрби операция зонасына” язмасы. Республика көнендә Казан шәһәрендә кайларда һәм нинди бәйрәмнәр уздырылачагы да хәбәр ителде.
🍃3нче биттә 2025-2026 уку елына мәктәпләрнең хәзерлеге, укучылар формасының күпмегә төшүе, уку программасындагы үзгәрешләр турында язылды.
🍃4нче биттә – ZAKARIA фолк-төркеме турындагы язма. Ул төркемдәге җырчылар кайсы милләт кызлары? Бу төркемнең үзенчәлеге нәрсәдә?
🍃5нче биттә – “Дәдәйгә – 70!” язмасы. Анда лаеклы ялга чыккач, кулына 35 ел тотмаган гармунын алган, туган авылында керәшен фольклор ансамбле оештырган, бар район халкы өчен хөрмәте “дәдәй”гә әйләнгән карендәшебез турында сүз бара.
🍃6нчы биттә – Ташкирмән авылы, аның кешеләре, булдыклы балыкчылары турындагы язманың дәвамы. Биредәге йолаларның үзгәлеген белү өчен язманы игътибар белән укыгыз.
🍃7нче биттә бар авыл халкын, еракларга сибелгән авылдашларны очраштырган “Дүсмәтнең кадерле кичләре” турында укырсыз. Азнакай районындагы “Алма кебек гомерләр” бәйрәмендә халык ниләр эшләгән? Анысы да язылды.
🍃8нче биттә – “Керәшен традициясе юллары буйлап” язмасы Башкортстанның Бакалы районындагы Яңа Илек мәктәбе укучылары, укытучылар һәм ата-аналарның яңа проекты белән таныштыра. Алар Җәкәү йортына кунакка килгәч, нәрсәләр күргәннәр, нинди үнәрләргә өйрәнгәннәр? Ул хакта да бар.
🍃9нчы биттә – “Язмыш упкыны читендә...” язмасы. Ул 40 ел буе интернатларда яшәүче карендәшебез – 84 яшьлек Анна әби Юдина белән таныштыра, аның тормышындагы сынаулар турында сөйли.
🍃10нчы биттәге Белемнек” сәхифәсендә Алла Законының һәркайсыбыз белергә тиешле 10 боерыгын укырсыз. Чистайдагы керәшен чиркәвенә кач куелу турында да язылды. Дини календарь дә бирелде.
🍃11нче биттә – Луиза Янсуарның яңа романыннан өзек.
🍃12нче биттә – “Туган җиргә бал ягылгандыр”. Ул сораштыру-язма карендәшләребезнең Татарстан, аның үзләре яраткан һәм күрергә теләгән урыннары турындагы фикерләрен үз эченә алды. Приз откан подписчигыбыз Эльмира Мукееваның “Туганайлар” турында әйткәннәре белән килешәсезме?.. Рецептлар, бакчачыларга киңәшләр дә бирдек.