Предыдущая публикация
Зәй ягы керәшене, өч сугыш кичергән Куприян тормышы (башы)🙏
Бу язма Кабан Бастырык авылыннан (Зәй районы) Куприян Ермаков, аның гаиләсе һәм балалары язмышы аша, гади халык, аның ныклыгы, батырлыгы турында сөйли🤩
Үзем хәтерләмәсәм дә...
Миллионнарча кешенең гомерен өзгән, күпме баланы ятим иткән, хатыннарны тол калдырган сугышның утлы мәхшәре безнең Кабан Бастырык халкы җилкәсенә дә авыр хезмәт, ачы күз яшьләре булып төшкән. «Әти» сүзен әйтергә тилмереп үскән сабыйлар, ничә еллар буена олы юлдан күзен алмыйча, газиз улын көткән аналар, ирен көткән хатыннар, дәдәләрен көткән сеңелләр, сөйгән ярларын көткән кызлар... Бөек Ватан сугышында җиңүгә 79 ел тулса да, ул чор кешеләре фидакарьлеге, патриотлыгы күңелләрдә яши.
Минем бабам Куприян Парферьевич Ермаков өч сугышта катнашкан. Ул 1895 елның 8 октябрендә Уфа губернасының Минзәлә өязендәге Әхмәт волостена кергән Кабан Бастырык авылында (хәзерге Зәй районы) туган. Миңа 2 яшь чакта, 1960 елның 18 ноябрендә ул вафат булган.
Әнием Нина Денисова (1928 елгы) гомеренең соңгы көннәренә кадәр әтисе Куприян, әнисе Агафия һәм дәдәләре турында көн дә сөйли иде:«Безнең өйдән беркайчан да кеше өзелмәде. Кеше килеп керсә, якты йөз белән тизрәк самовар куя, өстәл янына утыртып сыйлый идек. Бер вакытта да кешесез ашаганыбыз булмады. Күп җирләрдә булган, дөньяның ачысын-төчесен татыган әтием янына киңәш сорап киләләр. Кая барып, кемгә мөрәҗәгать итәргә кирәклеген аңлата, кирәкле урыннарга үтенеч хаты язарга булыша. Башта — үзебезнең авылдагы чиркәү- приход мәктәбендә, аннан соң авыл хуҗалыгы белгечлегенә укыган әтием бик грамоталы иде. Үзен ул «мал врачы, агротехник» дип әйтә иде. «Бервакытта да артык нык борчылырга кирәк түгел», дип әйтәргә ярата, авыр хәлләрне үзе дә уен-көлке белән үткәреп җибәрергә тырыша, безне дә шуңа өйрәтте».
Дәвамы САЙТТА 👉: https://tuganaylar.ru/news/h%D3%99ter-hatir%D3%99/zai-iagy-kerasene-oc-sugys-kicergan-kupriian-tormysy-basy
Следующая публикация
Нет комментариев