Второе послание к Коринфянам
Имýще же тóйже Дýхъ вѣ́ры, по пи́санному: вѣ́ровахъ, тѣ́мже возглагóлахъ: и мы́ вѣ́руемъ, тѣ́мже и глагóлемъ, вѣ́дяще, я́ко воздви́гiй Гóспода Иисýса, и нáсъ со Иисýсомъ воздви́гнетъ, и предпостáвитъ съ вáми. Вся́ бо вáсъ рáди, да благодáть умнóжившаяся, мнóжайшими благодарéнiи избы́точествитъ въ слáву Бóжiю. Тѣ́мже не стужáемъ си́: но áще и внѣ́шнiй нáшъ человѣ́къ тлѣ́етъ, обáче внýтреннiй обновля́ется по вся́ дни́. Е́же бо ны́нѣ лéгкое печáли нáшея, по преумножéнiю въ преспѣ́янiе тяготý вѣ́чныя слáвы содѣ́ловаетъ нáмъ, не смотря́ющымъ нáмъ ви́димыхъ, но неви́димыхъ: ви́димая бо врéменна, неви́димая же вѣ́чна.

Но, имея тот же дух веры, как написано: я веровал и потому говорил, и мы веруем, потому и говорим, зная, что Воскресивший Господа Иисуса воскресит через Иисуса и нас и поставит перед Собою с вами. Ибо всё для вас, дабы обилие благодати тем бо́льшую во многих произвело благодарность во славу Божию. Посему мы не унываем; но если внешний наш человек и тлеет, то внутренний со дня на день обновляется. Ибо кратковременное легкое страдание наше производит в безмерном преизбытке вечную славу, когда мы смотрим не на видимое, но на невидимое: ибо видимое временно, а невидимое вечно.

Евангелие от Матфея
Я́коже бо мóлнiя исхóдитъ от востóкъ и явля́ется до зáпадъ, тáко бýдетъ пришéствiе Сы́на человѣ́ческаго: идѣ́же бо áще бýдетъ трýпъ, тáмо соберýтся орли́. А́бiе же, по скóрби днíй тѣ́хъ, сóлнце помéркнетъ, и лунá не дáстъ свѣ́та своегó, и звѣ́зды спадýтъ съ небесé, и си́лы небéсныя подви́гнутся: и тогдá яви́тся знáменiе Сы́на человѣ́ческаго на небеси́: и тогдá восплáчутся вся́ колѣ́на земнáя и ýзрятъ Сы́на человѣ́ческаго грядýща на о́блацѣхъ небéсныхъ съ си́лою и слáвою мнóгою: и пóслетъ áнгелы своя́ съ трýбнымъ глáсомъ вéлiимъ, и соберýтъ избрáнныя егó от четы́рехъ вѣ́тръ, от конéцъ небéсъ до конéцъ и́хъ. От смокóвницы же научи́теся при́тчи: егдá ужé вáiя ея́ бýдутъ млáда, и ли́ствiе прозя́бнетъ, вѣ́дите, я́ко бли́зъ éсть жáтва: тáко и вы́, егдá ви́дите сiя́ вся́, вѣ́дите, я́ко бли́зъ éсть, при двéрехъ.

Бди́те ýбо, я́ко не вѣ́сте, въ кíй чáсъ Госпóдь вáшъ прiи́детъ. Сié же вѣ́дите, я́ко áще бы вѣ́далъ дóму влады́ка, въ кýю стрáжу тáть прiи́детъ, бдѣ́лъ ýбо бы и не бы́ дáлъ подкопáти хрáма своегó. Сегó рáди и вы́ бýдите готóви: я́ко, въ óньже чáсъ не мнитé, Сы́нъ человѣ́ческiй прiи́детъ. Ктó ýбо éсть вѣ́рный рáбъ и мýдрый, егóже постáвитъ господи́нъ егó надъ дóмомъ свои́мъ, éже дая́ти и́мъ пи́щу во врéмя и́хъ? блажéнъ рáбъ тóй, егóже, пришéдъ господи́нъ егó, обря́щетъ тáко творя́ща: ами́нь глагóлю вáмъ, я́ко надъ всѣ́мъ имѣ́нiемъ свои́мъ постáвитъ егó. А́ще ли же речéтъ злы́й рáбъ тóй въ сéрдцы своéмъ: косни́тъ господи́нъ мóй прiити́, и нáчнетъ би́ти клеврéты своя́, я́сти же и пи́ти съ пiя́ницами: прiи́детъ господи́нъ рабá тогó въ дéнь, въ óньже не чáетъ, и въ чáсъ, въ óньже не вѣ́сть, и растéшетъ егó полмá, и чáсть егó съ невѣ́рными положи́тъ: тý бýдетъ плáчь и скрéжетъ зубóмъ.

Ибо, как молния исходит от востока и видна бывает даже до запада, так будет пришествие Сына Человеческого; ибо, где будет труп, там соберутся орлы. И вдруг, после скорби дней тех, солнце померкнет, и луна не даст света своего, и звезды спадут с неба, и силы небесные поколеблются; тогда явится знамение Сына Человеческого на небе; и тогда восплачутся все племена земные и увидят Сына Человеческого, грядущего на облаках небесных с силою и славою великою; и пошлет Ангелов Своих с трубою громогласною, и соберут избранных Его от четырех ветров, от края небес до края их. От смоковницы возьмите подобие: когда ветви ее становятся уже мягки и пускают листья, то знаете, что близко лето; так, когда вы увидите всё сие, знайте, что близко, при дверях.

Итак бодрствуйте, потому что не знаете, в который час Господь ваш приидет. Но это вы знаете, что, если бы ведал хозяин дома, в какую стражу придет вор, то бодрствовал бы и не дал бы подкопать дома своего. Потому и вы будьте готовы, ибо в который час не думаете, приидет Сын Человеческий. Кто́ же верный и благоразумный раб, которого господин его поставил над слугами своими, чтобы давать им пищу во время? Блажен тот раб, которого господин его, придя, найдет поступающим так; истинно говорю вам, что над всем имением своим поставит его. Если же раб тот, будучи зол, скажет в сердце своем: не скоро придет господин мой, и начнет бить товарищей своих и есть и пить с пьяницами, – то придет господин раба того в день, в который он не ожидает, и в час, в который не думает, и рассечет его, и подвергнет его одной участи с лицемерами; там будет плач и скрежет зубов.