Первое послание к Тимофею
Руки́ скóро не возлагáй ни на когóже, нижé приобщáйся чужы́мъ грѣхóмъ: себé чи́ста соблюдáй. Ктомý не пíй воды́, но мáло винá прiéмли, стомáха рáди твоегó и чáстыхъ твои́хъ недýговъ. Нѣ́кихъ же человѣ́къ грѣси́ предъявлéни сýть, предваря́юще на сýдъ: нѣ́кимъ же и послѣ́дствуютъ. Тáкожде и дóбрая дѣлá предъявлéна сýть: и сýщая и́нако, утаи́тися не мóгутъ. Ели́цы сýть подъ и́гомъ раби́, свои́хъ госпóдiй вся́кiя чéсти да сподобля́ютъ, да и́мя Бóжiе не хýлится и учéнiе. Имýщiи же вѣ́рныхъ госпóдiй да не нерадя́тъ о ни́хъ, понéже брáтiя сýть: но пáче да рабóтаютъ, занé вѣ́рни сýть и возлю́блени, и́же благодáть воспрiéмлющiи. Сiя́ учи́ и моли́. А́ще ли ктó и́нако учи́тъ и не приступáетъ къ здрáвымъ словесéмъ Гóспода нáшего Иисýса Христá и учéнiю, éже по благовѣ́рiю, разгордѣ́ся, ничтóже вѣ́дый, но недýгуяй о стязáнiихъ и словопрѣ́нiихъ, от ни́хже бывáетъ зáвисть, рвéнiе, хулы́, непщевáнiя лукáва, бесѣ́ды злы́я растлѣ́нныхъ человѣ́ковъ умóмъ и лишéнныхъ и́стины, непщýющихъ приобрѣ́тенiе бы́ти благоче́стiе. Отступáй от таковы́хъ. Е́сть же снискáнiе вéлiе благоче́стiе съ довóлствомъ. Ничтóже бо внесóхомъ въ мíръ сéй: я́вѣ, я́ко нижé изнести́ чтó мóжемъ. Имѣ́юще же пи́щу и одѣя́нiе, си́ми довóлни бýдемъ. А хотя́щiи богати́тися впáдаютъ въ напáсти и сѣ́ть, и въ пóхоти мнóги несмы́сленны и вреждáющыя, я́же погружáютъ человѣ́ки во всегуби́телство и поги́бель: кóрень бо всѣ́мъ злы́мъ сребролю́бiе éсть, егóже нѣ́цыи желáюще заблуди́ша от вѣ́ры, и себé пригвозди́ша болѣ́знемъ мнóгимъ. Ты́ же, о, человѣ́че Бóжiй, си́хъ бѣ́гай: гони́же прáвду, благоче́стiе, вѣ́ру, любо́вь, терпѣ́нiе, крóтость.

Рук ни на кого не возлагай поспешно, и не делайся участником в чужих грехах. Храни себя чистым. Впредь пей не одну воду, но употребляй немного вина, ради желудка твоего и частых твоих недугов. Грехи некоторых людей явны и прямо ведут к осуждению, а некоторых открываются впоследствии. Равным образом и добрые дела явны; а если и не таковы, скрыться не могут. Рабы, под игом находящиеся, должны почитать господ своих достойными всякой чести, дабы не было хулы на имя Божие и учение. Те, которые имеют господами верных, не должны обращаться с ними небрежно, потому что они братья; но тем более должны служить им, что они верные и возлюбленные и благодетельствуют им. Учи сему и увещевай. Кто учит иному и не следует здравым словам Господа нашего Иисуса Христа и учению о благочестии, тот горд, ничего не знает, но заражен страстью к состязаниям и словопрениям, от которых происходят зависть, распри, злоречия, лукавые подозрения. Пустые споры между людьми поврежденного ума, чуждыми истины, которые думают, будто благочестие служит для прибытка. Удаляйся от таких. Великое приобретение – быть благочестивым и довольным. Ибо мы ничего не принесли в мир; явно, что ничего не можем и вынести из него. Имея пропитание и одежду, будем довольны тем. А желающие обогащаться впадают в искушение и в сеть и во многие безрассудные и вредные похоти, которые погружают людей в бедствие и пагубу; ибо корень всех зол есть сребролюбие, которому предавшись, некоторые уклонились от веры и сами себя подвергли многим скорбям. Ты же, человек Божий, убегай сего, а преуспевай в правде, благочестии, вере, любви, терпении, кротости.

Евангелие от Марка
И запрети́ и́мъ, да ни комýже глагóлютъ о нéмъ. И начáтъ учи́ти и́хъ, я́ко подобáетъ Сы́ну человѣ́ческому мнóго пострадáти, и искушéну бы́ти от стáрецъ и архiерéй и кни́жникъ, и убiéну бы́ти, и въ трéтiй дéнь воскрéснути. И не обинýяся слóво глагóлаше. И прiéмь егó пéтръ, начáтъ прети́ти емý. О́нъ же обрáщься и воззрѣ́въ на ученики́ своя́, запрети́ Петрóви, глагóля: иди́ за мнóю, сатанó: я́ко не мы́слиши, я́же сýть Бóжiя, но я́же человѣ́ческа. И призвáвъ нарóды со ученики́ свои́ми, речé и́мъ: и́же хóщетъ по мнѣ́ ити́, да отвéржется себé, и вóзметъ крéстъ свóй, и по мнѣ́ грядéтъ.

И запретил им, чтобы никому не говорили о Нем. И начал учить их, что Сыну Человеческому много должно пострадать, быть отвержену старейшинами, первосвященниками и книжниками, и быть убиту, и в третий день воскреснуть. И говорил о сем открыто. Но Петр, отозвав Его, начал прекословить Ему. Он же, обратившись и взглянув на учеников Своих, воспретил Петру, сказав: отойди от Меня, сатана, потому что ты думаешь не о том, что Божие, но что человеческое. И, подозвав народ с учениками Своими, сказал им: кто хочет идти за Мною, отвергнись себя, и возьми крест свой, и следуй за Мною.