🔵 Դու զարմանում էիր՝ ինչպես է հնարավոր գիշերներ շարունակ չքնել, բայց առույգ լինել, երբ դեռ մայրիկ չէիր։

🔵 Դու այդչափ չէիր անհանգստանում հարևանի երեխայի լացի ձայնը լսելիս, երբ դեռ մայրիկ չէիր։
🔵 Դու չէիր նկատում մանկասայլակի համար անհարմար մեր քաղաքի փողոցները, երբ դեռ մայրիկ չէիր։
🔵 Պայուսակիդ պարունակությունը խաղալիք, թեթև սնունդ, ջուր ու անկյունային այն փոքրի՜կ գրպանիկում խծկած մեկ շրթներկ չէր, երբ դեռ մայրիկ չէիր։
🔵 Շտապելիս դու չէիր նկատում դիմացովդ անցնող յուրաքանչյուր երեխայի, երբ դեռ մայրիկ չէիր։
🔵 Դու չէիր անհանգստանում խաղահրապարակների մաքրության ու անվտանգության համար, երբ դեռ մայրիկ չէիր։
🔵 Դու շատ հարցերի չէիր նայում երեխայի տեսանկյունից, երբ դեռ մայրիկ չէիր։
🔵 Դու անգիր չէիր անում մուլտֆիլմի բոլոր երգերն ու հերոսներին, երբ դեռ մայրիկ չէիր։
🔵 Տոներին առաջինը մտածում էիր քո զգեստի մասին, երբ դեռ մայրիկ չէիր։
🔵 Դու այդչափ չէիր կարևորում քո ազատ ժամերը, երբ դեռ մայրիկ չէիր։
🔴 ԲԱՅՑ քո կյանքում հաստատ կարևորագույն մի զգացում պակասում էր, երբ դեռ մայրիկ չէիր ♥️