Бишкек шаарындагы «Adriano» кафеси Хеллоуин майрамына карата өз тегерегин кооздогон.

Бул кафе кесилген ашкабактар менен гана кооздоп чектелбестен, жипке асынып турган баланын манекенин дагы илип коюшканын «Репортерго» шаар тургуну билдирип, сүрөттөрдү жөнөткөн. «Менин балам ал асынып турган баланы көрүп, коркуп, ыйлап да жиберди», – деп, аталган кафенин кызматкерлерине нааразычылыгын билдирди.
Мындай ашыкча обу жоктуктун айынан акыркы учурда Кыргызстанда Батыштын туура эмес кадамдары кыргыздын жан дүйнөсүнө сиңип кирип, жаштардын аң-сезимин өлтүрүүдө.
Бүгүнкү аталган кафенин мындай түрү суук кадамына ким тыюу салат, азырынча белгисиз. Ал эми чет өлкөлөр каржылаган укук коргоочулар бул көрүнүшкө кандай карайт?