Коомубузда орун алган терс көрүнүштөрдүн бири бул алимент төлөөдөн качкан аталар.

Алардын саны барган сайын көбөйүүдө. Соттун чечими болгонуна карабай, алимент төлөбөй, издөөгө жүргөндөрдүн саны миңден ашат. Айрымдары колунда бар болсо да, атайын айлыгын азайтып, 200-300 сом алимент төлөп коюшат.
⠀
Бул көйгөйдү чечүү максатында Кыргызстанда алименттин эң төмөн суммасын 1800 сом кылуу Жогорку Кеңеште сунушталып жатат. Тиешелүү мыйзам долбоору учурда биринчи окуудан өттү.
⠀
Демилгечилер белгилегендей, мыйзам долбоору алимент төлөө маселелерин жөнгө салуу менен эне жана бала институтун коргоого багытталган.
⠀
Эске сала кетсек, учурда статистикалык маалымат боюнча алимент төлөөдөн качкан 2731 адамга издөө жарыяланган. Жапысынан 41 миң 843 эне баланын атасынан алимент төлөтүп алуу үчүн сотко расмий түрдө кайрылган.