Бир тонна көмүргө эң кымбат баа Баткен шаарында катталды, калаада көмүрдүн наркы учурда 8500 сомдон бааланууда.

Шаарда көмүрдүн баасы бир аптанын ичинде 17.5 пайызга кымбаттады. Бул тууралуу Улуттук статистикалык комитеттен кабарлашты.
⠀
Кыргызстандын башка дубандарында азырынча баа өзгөргөн жок, республика боюнча бир тонна көмүрдүн баасы орточо эсеп менен 4.5 миң сомдон бааланууда.
⠀
Мындан тышкары таш көмүргө карата кымбат баа Кара-Суу шаарында катталды, бул жерде бир тонна көмүрдүн баасы 7700 сомдон бааланды. Ноокат районунда бир тонна кара алтынды 6900 сомдон алууга болот, ал эми Ош шаарында анын бир тоннасы 6200 миң сомдон сатылууда.