Соғлом ва бемор одамларда мусулмонлар рўзаси таъсири бўйича экспериментал изланишлар

Рўза ва иммун тизими
АҚШда Рамазон ойи рўзасида кўнгиллиларда лаборатор текширишлар ўтқазилди. Рўзадан олдин, бутун рамазон ойида ва тугагандан кейин улардан қон таҳлили олинди. Текширишлар қоннинг кимёвий таркиби, аниқроғи ундаги липопротеинлар, шунингдек иммун тизим фаолияти, унинг барча қисмларини, жумладан лифоцитлар сони, уларнинг турларининг нисбати, хар бирининг иш қобилияти ва қондаги антитаналар миқдорини аниқлашни ўз ичига олди. Ўтқазилган экспериментлар рўзанинг организм иммун тизимига яққол ижобий таъсирини кўрсатди: лимфоцитлар функционал кўрсаткичлари ўн марта яхшиланди, уларнинг умумий сони ўзгармасада, касалликларга қарши турувчи турларининг бошқа турларга нисбатан сони анча ошди. Бундан ташқари IGE протеини миқдори сезиларли ошди. Бу протеинлар қонда антитана ҳосил бўлишига жавоб беради.Липопротеинлар таркибида хам ўзгаришлар бўлиб, бунда зичлиги юқори бўлган липопротеинлар миқдори ўзгармасдан зичлиги кам булган липопротеинлар миқдори ошганлиги кузатилди, бу эса ўз навбатида иммун реакциянинг фаоллашганидан хабар беради.
Рўза ва аёллик гормонлари
22дан 25 ёшгача бўлган бир гуруҳ аёлларда Рамазон рўзасининг қон плазмасидаги прогестерон ва пролактин миқдорига таъсири ва туғиш физиологиясига қандай таъсир қилиши ўрганилди. Натижалар шуни кўрсатдики 80% аёлларда пролактин миқдори камайган, прогестерон миқдори эса ўзгармаган. Шундан кейин изланувчилар эмизувчи аёлларга рўзасини тўхтатишни тавсия қилишди. Бу изланиш пролактин миқдорининг ошиши орқали юзага келадиган бепуштликни даволашда рўзанинг нақадар аҳамиятли эканлигини кўрсатади, қайсики рўза вақтида пролактин миқдори пасайганда аёлда табиий туғиш қобилияти тикланади.
Рўза ва сийдик ажратиш тизими касалликлари
Уч гуруҳ одамлар – ўнта сийдик ажратиш тизими касалликлари билан, ўнта – ўт-тош касаллиги билан ва ўнта соғлом одамлар орасида рамазон рўзасининг таъсири ўрганилди. Текширишлар натижасида изланувчилар рўза ўт-тош касаллигига ҳам, сийдик ажратиш тизими касалликларига ҳам ҳеч қандай салбий таъсир кўрсатмади ва рўза буйракда тош ҳосил бўлишини олдини олиши мумкин деган хулосага келишди.
Рўза ва стресс гормонлари
Сауд қироли университети тиббиёт коллежида рамазон рўзасининг кортизол, пролактин ва инсулин гормонларига таъсири ўрганилди. Бу гормонлар миқдори Рамазон ойи мобайнида соғлом одамларда соат 9, 16,21, 4 да текширилди. Таққослаш мақсадида мазкур гормонлар шу одамларда бошқа ойларда оддий кунларда олинди.
Текшириш натижаларига кўра Рамазон вақтида бошқа кунларга нисбатан соат 16 га қадар (яъни 12 соат оч қолгандан сўнг) кортизол даражаси ўзининг минимумига етди, пролактин миқдори эса пасайиб борди. Бунга кўра изланувчилар рўза тутиш стресс ҳолати бўлиб ҳисобланмайди деган хулосага келишди.
Рўза ва эритроцитлар
Рўзанинг эритроцитлар фаолиятига таъсирини ўрганиш мақсадида Рамазон ойида олтита соғлом одам ва гемолитик анемия билан учта бемор текширилди. Бу тўққизта одамнинг ҳаммаси тўлиқ рўза тутишди ва ҳеч қайсисида бирламчи қон ҳужайраларида, қизил қон таначалари ҳажмида ва қонда гемоглобин миқдорида ҳеч қандай салбий ўзгаришлар аниқланмади.
Рўза ва диабет
Диабет билан хасталанган беморларда рўзанинг таъсирини ўрганиш мақсадида 47 та иккинчи турдаги (яъни инсулин инъекциясига боғлиқ бўлмаган) қандли диабет билан хасталанган бемор ва бу хасталик билан оғримаган бир гуруҳ одамлар текширилди. Текширишлар натижасида беморлар оғирлигида ҳам, қонининг бўялиши ёки оқсил миқдорида хам ҳеч қандай ўзгариш аниқланмади. Олимлар шундай хулосага келишдики, Рамазонда емакдан тийилиш (рўза тутиш) иккинчи турдаги қандли диабет билан оғриган беморлар оғирлигида ҳеч қандай сезиларли ўзгаришга олиб келмайди ва касаллик кечишига сезиларли таъсир кўрсатмайди.
Рўзанинг меъда ярасига таъсири
Изланувчилар аниқлашдики ошқозон кислоталиги пасайган ёки кўтарилган беморларда бу кислоталик меъёрга келган, бу эса ўз навбатида рўза тутиш меъда ярасининг бош сабабчиси бўлган кислоталикни камайтириши, ошиқча кислоталик пайдо бўлишининг олдини олишини кўрсатади.
Узлуксиз рўза тутишнинг жинсий безлар фаолиятига таъсири
Массачусетс штати клиникасида (АҚШ) 26 дан 45 ёшгача бўлган олтита соғлом одам текширилди. Текшириш уч босқичда амалга оширилди:
• Таёргарлик босқичи, уч кун давом этиб, унда текширилаётганлар одатдагидек хар кунлик гафик асосида овқатланишди.
• Очлик даври ёки тўлиқ ейишдан тийилиш, 10 кун давом этди ва бунда сутка давомида ҳеч нарса ейишмади, фақат кеча ва кундуз дистилланган сув ичиб туришди.
• Очликдан чиқиш даври 5 кун давом этди. 2-, 11- ва 16- кунлари жинсий гормонларни аниқлаш учун қон таҳлили олинди. 3-, 12- ва 17 кунлари гипофизни гормон билан (LRH)таъсирлантиришдан кейин қайта қон таҳлили олинди. Бунда қуйидаги гормонлар текширилди: эркаклик гормони (тестостерон) ва гонадотропиклар гуруҳига кирувчи фолликуластимулловчи (FSH) ва лютеинловчи (LH) гормонлар. Натижалар қуйидагича бўлди:
Очлик вақтида тестостерон миқдори сезиларли анча пасайди ва очликдан чиқиш даврида яна уч кун мобайнида пасайиши давом этди. Очликдан чиқиш даврининг тўртинчи куни бу гормон очликдан олдинги одатдаги кўрсаткичлардан ошиб кетиб бирданига юқорига кўтарилди.
Очлик вақтида фолликуластимулловчи ва лютеинловчи гормонларининг сийдикдаги миқдори анча кўтарилди ва очликдан сўнг уч кун мобайнида шу маромда сақланиб турди. Бу хаққоний равишда рўзанинг жинсий майлга чекланган таъсирини кўрсатади. Бундан келиб чиқадики рўзанинг жинсий майлга таъсири иккита факт орқали намоён бўлади: биринчидан, жинсий майл очлик вақтида ва ундан кейин бир неча кун мобайнида пасаяди; иккинчидан очлик тугагандан кейин жинсий майл ошади ва рўзадан олдинги ҳолатига нисбатан бир қанча юқори даражага чиқади.
Маълумотлар “сайт о лечебном голодании” сайтидан олинди
Сайт бўлимлари
Исломий тиб
Халқ табобати
Тавсиялар
Тозалик
Касалликлар
Бемор
Даволаш
Тез ёрдам
Овқатлар
Соғлом оила
Болалар соғлиги
Кексалар
Табиблар
Шифохоналар
Мақолалар
Форум
Китоблар
Тафаккур
Шифобахш наботот
Беҳи кўкрак иллатларини даф қилади, ошқозонга қувват бериб, иштаҳани оширади.
Жинсий тарбия умумахлоқий тарбиянинг ажралмас қисми бўлиб, унинг асосий вазифаси ёш авлодни зурриёт қолдириш сир-асрорларидан бекаму кўст хабардор этишдан иборат.
давоми...
Жинсий тарбия
Фикрлар
Assalomu aleykum meni yoshim 29da meni bel og'rig'i bezovta qilyapti bu holat 10 kun oldin boshlandi boshida unchalik og'rimadi kundan kunga kuchayib ...
Жинсий алоқа пайтида шаҳватни тeз тушмаслиги учун нима қилиш кeрак электрон манзилимга юборинг илтимос олдиндан раҳматZararsiz dori vositalari ham ich...
Assalom Aleykum. Foydali ma'lumot uchun raxmat. Agar adashmasam Sanoning lotincha nomi Sénna alexandrína. Asosan Hindiston va Sudanda usadi. Bu usimli...
Янги мақолалар