КОРИН КУЙИБ СЕМИРИШ АСОРАТЛАРИ ВА УНДАН КАЙТАРИЛГАНЛИК ХАКИДА

Пайгамбаримиз соллаллоху алайхи васалламдан корин куйиб, семириб кетиш уларнинг умматлар учун курккан жихатлари эканлиги кайд этилган: <<Умматларим учун энг каттик курккан жихатларим: корин солиб семириш,серуйкулик, дангасалик ва суст эьтикодда булишдир>>. Бу мавзу жуда қадимдан маълум ва ҳозирги кунда хам долзарб ҳисобланади. Семириб, қориннинг чиқиб кетишига икки сабаб кузатилади — наслий ва сунъий. Наслий семизлик ва қорин қўйиш кам учрайди. Кўпинча сунъий семириб, қорин чиқиб кетиш ҳолларига дуч келамиз. Қорни чиқиб кетган одам, албатта, совуқ мижозли бўлади. Гарчанд қоринниг чиқиб кетиши, касаллик деб қаралмаса ҳам, қорин қўйган одамнинг турли касалликларга чалиниши жуда осон бўлиб қолади. Наслий семизликка қараганда сунъий семизлик хавфлидир. Буюк бобомиз Абу Али ибн Сино: «Семизлик томирларни қисиб, руҳнинг сўнишига олиб келади», деб ёзади. Давосига келганда овқатни кам истеъмол қилиб, кўп ҳаммомга тушишни тавсия қилади. Абу Бакр Ар-Розийнинг фикрича, семиришга нафснинг ёмонлиги сабаб бўлади. Умуман, қориннинг чиқиб кетишига бир қанча сабаблар кўрсатилади: ўз гавдасини бепарволик натижасида идора қилмаслик, нотўғри овқатланиш, мунтазам жисомний иш ёки бадантарбия билан шуғулланмаслик. Қориннинг маъёридан ортиқ чиқиб кетиши туфайли қорин бўшлиғи, кўкрак қафаси ва юрак атрофини ёғ қатламлари босади. Қорин чиқиб кетиши орқасидан қон томирларнинг фаолияти қиийнлашади, яъни томирлар қисилиб, уларда қон, ҳаво айланиши қийинлашади. Шунинг орқасида кши руҳига ҳам зарар етади. Қорин қўйиб юборган одамнинг жисмоний ҳаракати ниҳоятда чегараланади. Энди хатоларга йўл қўйиб, қорин қўйиб юборганлар тушкунликка тушмай, руҳан эзилмай, ишга киришсин. Албатта, қоринларини йўқ қилиб, гавдани чиройли бичимга солиб олишлари мумкин. Бунниг учун қуйидаги тадбирларни амалга оширишлари керак. 1. Суюқ овқатларни, айниқса, унли суюқ овқатларни вақтинча истеъмол қилмаслик керак. 2. Иссиқ, юмшоқ ва оқ нон вақтинча мумкин эмас. Қора (кепакли), суви қочган нон мумкин (оз миқдорда). 3. Қовурилган, ёғли овқатлар, сут, қази, кабоб, шўр таомлар ва тухум вақтинча мумкин эмас. 4. Ширинликлар, қандолатчилик маҳсулотлари, қаҳва, какао мумкин эмас (асал мумкин). 5. Спиртли ичимликлар мумкин эмас. 6. Ҳафтада 1-2 марта ҳаммомда узоқ терлаш зарур. 7. Куч-қувватга қараб, шифокор назоратида, жисмоний иш ёки мунтазам бадантарбия билан шуғулланиш керак. 8. Ҳар куни 40 дақиқа югуриш лозим. Мутлоқ соғайиб, ихчам бўлиб кетиш учун айтилганлар бажарилса, бир йил кифоя бўлади. Бу халқ табобатида минг йиллар мобайнида тажрибадан ўтган учул. Юқоридагиларга қўшимча ҳолда яна қуйидагиларни тафсия этамиз. 1.Ёпиқ (қишда), очиқ (ёзда) сув ҳавзаларида ҳар куни камида бир сота сузиш. 2. Ҳеч қачон тўйиб овқат емаслик керак. Бу фақат қоринни кичрайтириш эмас, умумий соғлигингизни яхшилаш учун ҳам муҳимдир.
•