Շատերին գուցե և անծանոթ այս ուտեստը կոչվում է

ԽԱՇԻԼ
Խաշիլը Հայաստանի մի շարք մարզերում տարածում ունեցող ուտեստ է: Այն համարվում է էթնիկ հայկական նախաճաշ, որի հիմնական բաղադրիչներն են՝
փոխինձը, կաթը կամ չորաթանը/պսկաթան/, յուղը կամ կարագը, սոխառածը: Որոշ շրջաններում տարածված է նաև «Եփութուխ» անունով:
Ձմեռն անհնար է պատկերացնել առանց տաք ուտեստների։ Այս ուտեստը կարող է պատրաստել յուրաքանչյուր տան տիկին։Հագեցնող նախաճաշի հիմնական բաղադրամասը հենց փոխինձն է:
Փոխինձը՝ նախապես թավայում բոված ցորենն է, բայց ավելի մուգ գույնի, իսկ հատիկները ՝ կա ավելի խոշոր աղացածը և նաև մանր աղացածը :
Փոխինձով խաշիլը Հայաստանում հիմնականում ձմեռային ճաշատեսակ է։ Այն մատչելի և պարզ պատրաստվող ուտեստ է:
Պատրաստման համար անհրաժեշտ է․
0,5 կգ փոխինձ/խոշոր աղացածը/
1,5-2 լ ջուր
0,5 ճաշի գդալ աղ
150 գ յուղ
Գլուխ սոխ 1- 2հատ
500 գ պասկաթան /ինչպես նաև անվանում են բռնած թան / կամ մածուն
Պատրաստման եղանակը
Կաթսայով ջուրը դնել գազօջախին: Երբ ջուրը սկսում է եռալ, վերցնել կրակից, ավելացնել 0,5 ճաշի գդալ աղ ու թողնել, որ սառչի։ Գդալ-գդալ ավելացնել փոխինձը ու անընդհատ փայտե գդալով խառնել մինչև այն թանձր զանգված դառնա: Ստացված զանգվածը նորից դնել գազօջախին` շարունակաբար խառնել մինչեւ եռալը: Թողնել եռա 15 րոպե ու վերցնել գազօջախից: Յուղով պատրաստում ենք սոխառածը: Չորաթանը կամ բռնած թանը որը չորաթանի
թարմ տեսակն է/ պսկաթանը/ բացում ենք ջրով
և եփում...
Մատուցելիս կամ ուտելիս ափսեի կենտրոնում գդալով դնում
ենք եփած ՓՈԽԻՆՁԸ,...մեջտեղում գդալով փոսիկ ենք անում ու մեջը լցնում յուղը կամ սոխառածը/նայած թե դուք ինչպես եք սիրում/ : Իսկ փոխինձի կողքերը շերեփով կամ գդալով լցնում ենք թանը և համտեսում:
Փոխինձով պատրաստում են նաև քաղցր տարբերակը...
և նաև առանց թանի .... ուղղակի յուղով տարբերակը....
ԲԱՐԻ ԱԽՈՐԺԱԿ