ԿԱՐՈՏՈՒՄ ԵՄ ՔԵԶ

Ամեն պահս էլ
Մի սպասում է,
Առանց քեզ ինչպես,
Ինչպես եմ ապրել,
Քո անուրջները,
Հպումները քո,
Ոնց է ինձպեսին
Խելքամաղ արել:
Ամեն ակնթարթ,
Երբ հանդիպում ենք,
Գգվում ենք այնպես,
Ինչպես արևն է
Փարվում երկնքին,
Փարվում կարոտով,
Փարվում ենք այնպես,
Ինչպես խենթ, խելառ
Գետը իր ծովին …
Իմ անմահական,
Դրախտի վարդ ես,
Հմայքով, բույրով,
Քո գեղեցկությամբ,
Դեղին թե սպիտակ,
Թեկուզ և կարմիր,
Գույնդ գունեղ է
Իր շքեղությամբ:
Դժվար թե մեկը
Պահս այդ հասկանա,
Կըմբռնի լոկ նա,
Ով որ սիրում է,
Ով իր սրտի մեջ
Մեծ սեր է կրում,
Ով որ իրապես
Երջանկանում է:
Սոխակ, քո սիրո
Լարերիդ ներքո,
Շշունջ-հնչյունդ եմ
Լսում անդադար,
Ու վայելում եմ
Քո հոգու, սրտի,
Քո մարմար տեսքի,
Բույրերը վարար …
Ու կրկին, կրկին
Մեզ սերն է տանում
Մենք երանության
Գրկում ենք, ասես,
Չէ, դու մի գնա,
Թեկուզ ակնթարթ,
Հիշիր, անգինս,
Կարոտում եմ քեզ: