Սիրելի հայրենակիցներ Արցախա-Ադրբեջանական պատերազմում զոհված մեր հերոսների հիշատակին կազմակերպվում է շատ կարևոր ու նշանակալից միջոցառում: Ամանորի գիշերը կազմակերպվում է թռչող լամպեր-օդապարիկների զանգվածային գործարկում:

Դեկտեմբերի 31-ին ողջ ազգով հնարավորության դեպքում Եռաբլուր Պանթեոնից, ինչպես նաև Հայաստանի և Արցախի այլ անվտանգ ու բաց տարածքներից ժամը 00:00-ին ամբողջ երկնքով տարածում ենք թռչող լապտեր-լուսատուներ ու աղոթում մեր հերոսների,մեր հայրենիքի պաշտպանների համար...
Մեր այս փոքրիկ քայլով ՄԵՆՔ
1.Միասնական քայլով կհարգենք Հայրենիքի պաշտպանության համար նահատակված հերոսների հիշատակը,
2.Օդապարիկների մեծ քանակության և կազմակերպվածության շնորհիվ մենք կարող ենք սևեռել համաշխարհային մամուլի ուշադրությունը ու նման ձևով ևս մեկ անգամ հիշեցնենք աշխարհին Ադրբեջանի նման վայրագ պետության սանձարձակ գործողությունները հայ ժողովրդի ու հայ ռազմագերիների նկատմամբ:
Հավատացեք սա նույնպես գերազանց տարբերակ է մեր միասնակամությունը և հարգանքը ցուցաբերելու մեր հերոսներին:
Մեր նպատակը մեկն է՝թող ամբողջ ազգը տեղեկանա ու մասնակցի,որպեսզի ամբողջ աշխարհը կրկին խոսի մեր մասին:
ՀՀ և Արցախի Հանրապետության յուրաքանչյուր քաղաքացի մասնակից դառնալով այս միջոցառմանը իր լուման կունենա այս Համահայկական միասնական հարգանքի տուրքին:
Խնդրում ենք բոլորին ուշադիր լինել օդապարիկների գույներին ու տեսքին՝ ձեռք բերել միայն հասարակ տեսքով,կարմիր (խորհրդանշում է մեր հերոսների կողմից թափված արյունը) և սպիտակ (մենք ուզում ենք խաղաղություն) օդապարիկներ...