განა მარტო მაგ თვალების სევდა მიყვარს,

განა მარტო მაგ ტუჩების მხიბლავს ფერი,
გული მალე ყველა გრძნობას გადარიყავს,
მარტო შენში რომ არ მწვავდეს ყველაფერი.
მხოლოდ აპრილს შეუძლია გაოცება
ჩემი ფიქრის და ჩურჩულით მეუბნება,
რომ არ ვეძებ სხვა სიხარულს და ოცნებას,
რომ სხვა კაცი აღარსაით მეგულება.
მარტო შენი მიყვარს მკრთალი გაღიმება,
მარტო შენში ეძებს შვებას ჩემი გული,
მომკლავს, ალბათ, წრფელი გრძნობის გაღვივება
და ტკივილი სიმამაცით შენიღბული.