როგორ მინდა ჩაგიხუტო გულში,

ჩუმად გითხრა თუ როგორ მიყვარხარ.
შენს თვალებში არ ვხედავდე სევდას,
გულშიც დარდი გაგიქარვო ხელად.
დავეწაფო მონატრებულ ბაგეს,
ნაზი კოცნით ამოგიშრო ცრემლი.
შენთან ერთად ეს ცხოვრება განვლო,
არასოდეს არ გაგიშვა ხელი.
მინდა მხოლოდ ბედნიერი მყავდე
და სიკეთეს არიგებდე ხარკად.
მინდა მხოლოდ სიყვარულით გევლოს,
ოცნებები აგისრულდეს მრავლად.
შენს თვალებში მზე ბრწყინავდეს მუდამ,
ვერ დაგაკლოს ვერაფერი ავმა.
უფლის მადლით ეს ცხოვრება გევლოს,
სიყვარულის მზე გათბობდეს მარად.
23.05.2021
მზია კაპანაძე