ГАСПАДЫНЯ ВОСЕНЬ.

Гаспадыняй крочыць восень,
Прыбіраецца ў дварах,
Травы жухлыя пакосіць,
Лісце спаліць на кастрах.
У агародах пазбірае
Бульбу, моркву, буракі,
У засекі паскладае
Боб, цыбулю і гуркі.
З павуціння звяжа сеткі,
Папрасейвае дажджы,
Узарае ўсе палеткі
Аж мяжы і да мяжы...
Рыжакосай гаспадыні
Ўвішнай быць -- не прывыкаць,
Бо, як толькі фартух здыме --
Трэба зіму сустракаць.
/ Людміла Воранава / Супрун /