Людзі і Брэст.

Беларусы.
Мішчанчук Мікалай Іванавіч — беларускі паэт і літаратуразнавец. Член-карэспандэнт Беларускай акадэміі адукацыі, доктар філалагічных навук, прафесар.
Нарадзіўся 26 кастрычніка 1939, на прыіску Майск Мазанаўскага раёна Амурскай вобласці (Расія) у сям’і высланых беларускіх сялян.
У 1950-я, Мішчанчукі вярнуліся ў Беларусь, пасяліліся ў Пухавіцкім раёне Мінскай вобласці.
Вучыўся на філфаку Мінскага педінстытута.
Працаваў у Мінскім педінстытуце: атрымаў вучоную ступень доктара філалагічных навук.
З 1996 — у Брэсцкім універсітэце.
Загадваў кафедрай тэорыі і гісторыі рускай літаратуры, кафедрай беларускага літаратуразнаўства. Вёў навуковыя даследаванні ў галіне беларускай літаратуры, літаратуры беларускага замежжа, узаемасувязей рускай і беларускай літаратур, актуальных праблем выкладання літаратуры і літаратуразнаўства. Удзельнік у з’ездаў, канферэнцый, сімпозіумаў і чытанняў.
Аўтар зборнікаў паэзіі, літаратуразнаўчых і метадычных даследаванняў і інш.
Быў выдатным педагогам, метадыстам, вучоным, літаратуразнаўцам, літаратурным крытыкам, паэтам, перакладчыкам.
Пайшоў з жыцця ў Брэсце у кастрычніку 2012 (72 гады).