İker Kasilyas çıxış etdiyi "Real"dan müqaviləsinin müddəti başa çatana kimi klubdan ayrılmağı düşünmür.

İspaniya mətbuatına istinadən yaydığı xəbərə görə, təcrübəli qolkiper bildirib ki, gələcəkdə əsas heyətdə az yer alsa belə, "Kral klubu"nda qalacaq:
"Müqaviləmin müddəti başa çatana kimi "Real"ın şərəfini qoruyacam. Mənə yeni müqavilə təklif olunması üçün əlimdən gələni edəcəm. Əsas heyətdə yerimi itirsəm belə, "Real"dan getmərəm”.
Qeyd edək ki, İ.Kasilyasın "Real"la müqaviləsi 2016/2017 mövsümünün sonu başa çatır.
Əlavə edək ki, "Real"ın "Mançester Yunayted"in qapıçısı David de Xea ilə maraqlandığı iddia edilir. Bu transfer baş tutacağı təqdirdə, İ.Kasilyasa əsas heyətdə daha az şans veriləcəyi gözlənilir.