Ինչպես հաղորդում է Sport - ը, որպես աղբյուր նշելով El Desmarque պարբերականը, Սելտայի նախագահն անձամբ է հետաքրքրված Ռաֆինյայի վերադարձով:

Սելտայի նախագահ Կարլոս Մոուրինյոն կապ է հաստատել Ռաֆինյայի հոր՝ Մազինյոյի հետ, ով հայտնել է, որ իրենք դեմ չեն լինի գործարքին: Բարսելոնայի դիրքորոշումն այս հարցի շուրջ դեռ հայտնի չէ:
Չնայած Էնրիկեն միշտ էլ վստահել է Ռաֆային, այդուհանդերձ Գոմեշի ու Սուարեզի ձեռքբերումից հետո խնդիր կա "բեռնաթափել" միջին գիծը: Հեռանալու գլխավոր թեկնածուն Թուրանն էր, սակայն Լուչոյի վերջին ասուլիսներն ու մարզումների ժամանակ մտերմությունը թուրք խաղացողի հետ այլ բան են հուշում:
Սելտան չի ցանկանում վարձակալել Ռաֆինյային, այլ ցանկանում է գնել ամբողջական տրանսֆերը և պատրաստ է առաջարկել շուրջ 10 մլն եվրո: Գալիսիական ակումբի համար լուրջ խնդիր կարող է լինել ֆուտբոլիստի աշխատավարձը, որը Բարսելոնայում կազմում է ավելի քան 2 մլն եվրո: