უკრაინის პრეზიდენტის მრჩეველი იური ლუცენკო იმ ქვეყნებს ასახელებს, რომლებიც უკრაინას თანამედროვე შეიარაღებასა და სამხედრო მრჩევლებს გაუგზავნის.

ამის შესახებ პრეზიდენტის მრჩეველმა სოციალურ ქსელ „facebook"-ის საკუთარ გვერდზე დაწერა.
"NATO-ს სამიტზე მიღწეულია შეთანხმება თანამედროვე შეიარაღებისა და სამხედრო მრჩევლების გამოგზავნის შესახებ ამერიკიდან, საფრანგეთიდან, იტალიიდან, პოლონეთიდან და ნორვეგიიდან." - წერს ლუცენკო თავის ბლოგში.
შეგახსენებთ, NATO-ს სამიტის შემდეგ, რომელიც უელსში 4-5 სექტემბერს გაიმართა, უკრაინის პრეზიდენტმა პეტრო პოროშენკომ განაცხადა, რომ ალიანსის წევრი ქვეყნები უკრაინას მაღალი სიზუსტის ლეტალურ და არალეტალურ იარაღს მიაწვდიან.