,,შეგვიწყალე!

"
გულნატკენი შენი შვილი, მუხლზე ვდგავარ დაჩოქილი
მადლიანო გაგვიმრავლე ერი შენგან დალოცვილი,
წინ გვიძღოდეს სანთელი და ჯვარი ვაზისგან შექმნილი
მოგვასწარი მიწას ჭამდეს მტერი შენს წინ დამხობილი.
*** გულნატკენი ქალი ვდგავარ, შენს წინაშე თავდახრილი
მიგვანიშნე რა ვაკეთოთ, გზა გაიხსნას ჩაკეტილი,
წინსვლას ისე შევხაროდეთ, ვით ჩიტია დალოცვილი
ფუტკარივით მშრომელები და მერცხლებად დაჩეკილი.
*** სანთლით ხელში, დედა ვდგავარ, შენს წინაშე ძე იესო
უნდობლობა აქტიურობს, სიტყვა საქმით უვარგისობს...
შვილის გამო თავს გავწირავთ, სადიდებელს ვამბობთ ლოცვას
დედით შენით ,,შეგვიწყალე!" ავირიდებთ ხოცვა - ჟლეტას.
*** ერთ სუნთქვაში მოქცეულა ამ სამყაროს მომავალი
გუშინდელი გავიხსენოთ, დღევანდელს შევუქოთ კვალი,
ხვალინდელი დღე ვათენოთ ლოცვით, რწმენით, ვედრებითა
კურთხეულ არს მომავალი, დალოცვილი წმინდა ყრმითა.
დალი დადუნაშვილი 2022წლის 09.03