У 1918 годзе на базе Нісімкавіцкага земскага вучылiшча была створана працоўная школа 1-й ступенi. Пераўтварэнне школы пачалося з першых дзён Савецкай улады. Яго аснову заклалі дэкрэт СНК аб аддзяленні школы ад царквы, прыняты 20 студзеня 918 года, і дэкрэт УЦВК аб адзінай працоўнай школе ад 30 верасня 1918 года.
Аддзяленне школы ад царквы падмацоўвалася наступным рашэннем: “Выкладанне рэлігійных веравучэнняў ва ўсіх дзяржаўных і грамадскіх, а таксама прыватных навучальных установах, дзе выкладаюцца агульнаадукацыйныя прадметы, не дапускаецца. Грамадзяне могуць навучацца і навучаць рэлігіі прыватным чынам”.
Агульныя палажэнні аб адзінай працоўнай школе заключалі ў сабе наступнае:
• адзіная школа раздзяляецца на дзве ступені: 1-я для дзяцей ад 8 да 13 год (5-гадовы курс) і 2-я – ад 13 да 17 год (4-гадовы курс);
• навучанне ў школе 1-й і 2-й ступеняў бясплатнае;
• наведванне школы 1-й і 2-й ступеняў абавязковае для ўсіх дзяцей школьнага ўзросту;
• у школе 1-й і 2-й ступеняў уводзіцца сумеснае навучанне.
Такім чынам, выпрацоўваліся і замацоўваліся прынцыпы новай савецкай сістэмы народнай асветы.
У 1932 годзе Нiсiмкавiцкая працоўная школа была перетворана ў сямiгодку.
Присоединяйтесь к ОК, чтобы подписаться на группу и комментировать публикации.
Нет комментариев