Сунтаар улууhун Аҕа баһылыгын А.

В.Григорьев 2021 сыл сэтинньи ый 9 күнүнээ5и 326 нүөмэрдээх уурааҕар олоҕуран – сэтинньи 11 күнэ биһиги улууспутугар ХАБЫЛЫК күнүнэн биллэриллибитэ.
Ол күнтэн ыла, биһиги уһуйаан "Өбүгэм оонньуута - Хабылык" диэн ааттаах төрүт оонньуубутугар аналлаах тэрээһини үөрэх былааныгар киллэрэн сылын аайы ыытабыт. Тэрээһиммит сүрүн сыалынан омукпут төрүт оонньуутугар оҕону кыра сааһыттан уһуйуу буолар.
Соруктарынан:
төрүт оонньууга сыһыаран оҕо этин-сиинин, тарбахтарын былчыҥын сайыннарыы;
оҕо билэ-көрө сатыыр дьоҕурун уһугуннарыы;
оонньуу быраабылатын тутуһан, сөпкө оонньуурга, кыайыыга дьулуһарга көҕүлээһин;
оонньууну сэргиирин, көхтөөхтүк кыттарын ситиһии;
норуоппут оонньуутун киэҥ араҥаҕа тарҕатыы.
Үгэс быһыытынан, Хабылык күнэ кырачааннарга билиһиннэрии, үрдүкү бөлөх оҕолоругар сатабылларын чицэтии уонна күрэхтэһии быһыытынан ыытылынна.