Сэтинньи 11 күнүгэр, "Аныгы төрөппүккэ сирдьит" диэн муниципальнай бырайыак чэрчитинэн уһуйааммытыгар "Дьиэ кэргэн өрөбүлэ" диэн бэрт сэргэх тэрээһин буолан ааста.

2022 сылга саҥа үлэҕэ киирбит бырайыак сүрүн сыалынан оҕо, төрөппүт, иитээччи биир сомоҕо буолан түмсэн кырачааннар бары өттүнэн сайдар эйгэлэрин тэрийэн ыытыы буолар. Биһиэхэ үһүс төгүлүн ыытыллар "Дьиэ кэргэн өребүлэ" тэрээһин бу сырыыга остуол оонньууларыгар ананна. Сыалбытынан оҕону сайыннарар оонньууну бэйэ илиитинэн оҥорууга көҕүлээһин буолар.
Соруктарынан:
Оҕо төрөппүтүн кытта алтыһарыгар сөптөөх эйгэни тэрийии;
Дьиэ кэргэни оҕо тула түмүү;
Төрөппүтү бэйэ илиитинэн тутан-хабан сонун оонньууру оҥорорго көҕүлээһин;
Дьиэ кэргэнинэн оонньуохха сөптөөх сонун оонньуулары билиһиннэрии;
Оҕо төрөппүтүн кытта көхтөөх кыттыыны ыларын ситиһии.
Бу күн оҕолор "Өҥнөөх хабылыктар", "Тыксаан", "Күөрчэх ытыйыы" диэн сонун оонньуулары кытта билистилэр, бэйэ-бэйэлэрин кытта күрэхтэстилэр. Тэрээһин улууспутугар төрүт оонньуубут "Хабылык" күнүгэр сөп түбэспитинэн төрөппүттэр икки ардыларыгар "Хабылыкка" күрэс ыытылынна.
Дьоро күн түмүгэр, оҕолор икки ардыларыгар ыытыллыбыт оонньуу кыайыылаахтара минньигэс бирииһиннэн хатаҕаланнылар. "Хабылык" оонньууга кыайыы өрөгөйүн билбит төрөппүттэр Добун сурук тутан үөрдүлэр-көттүлэр.
"Дьиэ кэргэн өрөбүлэ" олус көрдөөхтүк, көхтөөхтүк, бары өттүттэн туһалаахтык, сэргэхтик ааста.
Өрөбүл диэбэккэ кэлэн кыттыыны ылбыт бары дьиэ кэргэттэрбитигэр уһуйаан кэллэктиибин аатыттан барҕа махталбытын тиэрдэбит! Инникитин да уһуйаан ыытар тэрээһиннэригэр көхтөөхтүк кэлэн кытта, оҕолорбут өй-санна, үөрэх-билии, эт-хаан өттүнэн сайдыылаах дьон буола улааталларыгар олук уура тураргытыгар баҕарабыт!